НутриМедико
 
 
 
mk | en
 
 
Пребарувај
 
 
 
 
 
 
 
 
 
 
 
 
 
 
 
 
 
 
 
 
 

Пополнете го прашалникот и дознајте!

 
(Прашалникот е наменет за лична употреба и има карактер на информација за подобрување или одржување на здравиот животен стил. Со тоа во никој случај не ги заменува мислењето, советите и интервенцијата на соодветните стручни лица).
 
 
Секој човек треба сам да се грижи за своето здравје и да презема соодветни активности за да ги спречи некомуникативните болести. Зошто е доброто здравје вистинското богатсво, а не материјалните добра и скапоценостите?

Како да се одржува доброто здравје и да се спречат некои заболувања? Релативно едноставно: со водење здрав животен стил. Но, што е тоа здрав животен стил? Стручните лица постојано укажуваат што и колку треба да се јаде, колку и како треба да се вежба, што треба да се прави за да се избегне прекумерниот стрес, од кои лоши навики да се ослободиме... и сé додека не се изгубите во сето тоа, односно да не можете да излезете на крај со сите поставени високи стандарди. Затоа, по извесно време едноставно ќе се откажете и ќе ги прераскажувате прикаските како некоиси луѓе, пријатели или роднини, пушеле секој ден по десетина цигари, пиеле многу алкохол, јаделе масна храна и доживеале длабока старост во добра општа здравствена состојба.

Со ретки исклучоци, сепак не можете да ја демантирате суровата вистина дека одбраниот начин на живеење има огромно влијание не само на физичкото туку и на менталното здравје, како и на општото чувство на среќа и задоволство. Нездравите животни навики може да ги промените и да увидите дека по тие храбри моменти на одлука ќе се чувствувате многу подобро. Така, откако ќе се откажете од пушењето одново ќе дишете полесно, особено по физички напор и ќе почнете повеќе да се движите. Со намалувањето на животинските масти во исхраната ќе ги снема млитавоста и тромоста.

На крајот, овие наизглед болни и скоро невозможни промени, во најголем дел ќе ви станат секојдневие па ќе се прашувате како сте можеле порано да живеете со таквите лоши навики. Нема никогаш да зажалите за промените што носат подобро здравје и поквалитетен живот.

Како можете да го заземете вистинскиот курс и да донесете одлуки што ќе ве водат кон поздрав и посреќен живот? Најпрвин треба соодветно да се образовате. Потоа, проценете како ќе се однесува вашето тело. Понатаму, треба да откриете што е тоа што му треба на вашето тело да функционира без проблеми. И на крајот, делот што создава задоволство и возбуда: морате да направите реален и остварлив план за да се внесат сите неопходни промени во начинот на кој живеете за да почнете со здрав животен стил.